✅Sportda dual ta’lim tizimining yo‘lga qo‘yilishi sohada malakali kadrlar yetishishiga xizmat qilmoqda…

#dual_talim

📍Ma’lumki, O‘zbekiston davlat jismoniy tarbiya va sport universitetida barcha sport turlari bo‘yicha talaba-yoshlar koʻnikmasi va kasbiy tayyorgarligini oshirish, shuningdek, ularning amaliy mashgʻulot jarayonlarini samarali oʻtishi va musobaqalardagi ishtirokini taʼminlash maqsadida dual ta’lim tizimi yo‘lga qo‘yilgan.

🏊Mazkur tizim asosida joriy yilning 10-15-mart kunlari Toshkent viloyati Zangiota tumanida joylashgan 1-sonli sport maktabida suzish sporti bo‘yicha o‘smirlar va kichik o‘smirlar o‘rtasida bo‘lib o‘tgan O‘zbekiston chempionati jarayonlari universitetning  Suv sporti, eshkak eshish turlari nazariyasi va uslubiyati kafedrasi mudiri Izzatilla Islamov boshchiligidagi kafedra talabalari tomonidan boshqarib borildi.

✔️E’tiborlisi, ushbu chempionat – suzish ixtisosligi talabalarining yirik tartibdagi musobaqalarni tashkil etish va unda hakamlik qilish ko‘nikmalarini yanada mustahkamlashga xizmat qildi va musobaqani  boshqarish borasidagi mahoratlari tajribali soha mutaxassislari tomonidan yuqori baholandi.