Soʻngi vaqtlarda Oʻzbekiston davlat jismoniy tarbiya va sport universitetida xorijiy universitetlar bilan aloqalar mustahkamlanib, sohani rivojlantirish boʻyicha qator samarali ishlar olib borilmoqda.
Xususan, joriy yilning 27-sentabrdan 3-oktabriga qadar universitetda Belarus milliy texnika universiteti professori Regina Zimnitskaya boshchiligidagi toʻrt nafar talabalar oʻzaro tajriba almashish maqsadida mehmonda boʻlishdi.
Eʼtiborlisi, professor R.Zimnitskaya tomonidan oliygohimiz talabalari va professor-oʻqituvchilari uchun oʻtkazilgan 36 soatlik mahorat darsi barchada katta qiziqish uygʻotdi. Shuningdek, xorijiy universitet vakillari oliygoh laboratoriyalarida boʻlib, erishilgan ilmiy yutuqlar va amaliy ishlar bilan tanishdilar.
Bundan tashqari, xalqaro aloqalar hamda oʻquv jarayonlari bilan bog'liq masalalarda ham suhbatlar oʻtkazilib, kelgusidagi istiqbolli ishlar muhokama qilindi.