DIQQAT E’LON!

Hurmatli, oliygohimizning faol va intiluvchan, har sohada yetakchi talaba-yoshlari diqqatiga!

O‘zbekiston davlat jismoniy tarbiya va sport universitetining barcha fakultetlari doirasida talaba-yoshlarda yurtimizda amalga oshirilayotgan keng ko‘lamli islohotlarga daxldorlik hissini kuchaytirish, yoshlar o‘rtasida sog‘lom ma’naviy muhitni shakllantirish, yangi iqtidor egalarini aniqlash hamda talabalarni ona vatanga muhabbat va shukronalik ruhida tarbiyalash, ularning iste’dod va iqtidorini qo‘llab-quvvatlash maqsadida “Men nechun sevaman, O‘zbekistonni”  mavzusida tanlov tashkil etilmoqda.

Mazkur tanlov ikki bosqichda: fakultet bosqichi – joriy yilning 16-24 dekabr kunlari fakultetlar kesimida, final bosqichi esa 2023-yil yanvar oyining ikkinchi o‘n kunligida o‘tkaziladi.

G‘oliblikni qo‘lga kiritgan talabalar diplom va esdalik sovg‘alari hamda quyidagi pul mukofotlari bilan taqdirlanadi:

1-o‘rin – 3 000 000 (uch million so‘m);

2-o‘rin – 2 400 000 (ikki million to‘rt yuz ming so‘m);

3-o‘rin – 1 800 000 (bir million sakkiz yuz ming so‘m).

Qadrli talaba-yoshlar, barchangizni ushbu tanlovda faol ishtirok etishga chaqiramiz!

Qo‘shimcha ma’lumotlar uchun telefon: +99899 147-81-13.