O‘zDJTSU: Internet maydonidagi maʼnaviy tahdidlar, uyushgan jinoyatchilik va giyohvandlikka qarshi kurashish bo‘yicha targ‘ibot tadbiri tashkil etildi 

#profilaktik_tadbir

Bugun, 22-aprel kuni universitetning Futbol hamda Gandbol, regbi, chim ustida xokkey nazariyasi va uslubiyati kafedralari mas’ullari, tyutorlar talabalar hamda tegishli tegishli soha vakillari ishtirokida  talabalarning huquqiy ongini yuksaltirish, jinoyatchilik va giyohvandlikka qarshi kurashish borasidagi tushunchalarini kengaytirishga qaratilgan profilaktik tadbir o‘tkazildi.

Tadbirda universitet profilaktika inspektori, leytenant Nodir Agabekov, Toshkent viloyati IIBB giyohvandlik va psixotrop moddalarini noqonuniy muomalasiga qarshi kurashish bo‘limi Katta tezkor vakili xodimi mayor Abbos Ochilov, Chirchiq shahar giyohvandlikka qarshi kurashish bo‘linmasi tezkor vakili leytenant Sardor Botirov, Toshkent viloyati kiber xavfsizlik boshqarmasi tezkor vakili leytenant Ilyos Rustamov tomonidan mavzuga doir ma’ruzalar qilindi.

Xususan, soha mutaxassislari talabalarga bugungi kunda internet – insonlar, ayniqsa, yoshlarga ko‘p qulayliklar yaratishi bilan birga, turli xavf-xatarlarning avj olishiga ham sabab bo‘layotgani, sodir etilayotgan kiberjinoyat turlari va ulardan himoyalanish usullari hamda giyohvandlik va uyushgan jinoyatchilikka qarshi kurashish bo‘yicha batafsil tushunchalar berdi.

Tadbir yakunida talabalar o‘zlarini qiziqtirgan savollarga atroflicha javob oldirlar.