Ma’naviy muhit barqarorligi – muhim vazifa!

#universitet_hayotidan

2024-yil 28-noyabr kuni universitetda Yoshlar bilan ishlash, ma’naviyat va ma’rifat bo‘limi xodimlari, Yoshlar ittifoqi boshlang‘ich tashkiloti yetakchisi, tyutorlar, professor-o‘qituvchilar, kafedralarning ma’naviy ishlar bo‘yicha mas’ullari hamda onlayn tarzda oliygohning Nukus va Farg‘ona filiali vakillari ishtirokida oliy ta’lim dargohida ma’naviy muhit barqarorligini saqlash yuzasidan yig‘ilish bo‘lib o‘tdi.

Universitetning Yoshlar masalalari va ma’naviy-ma’rifiy ishlar bo‘yicha birinchi prorektori Sherzod Mirzanov boshchiligida o‘tkazilgan mazkur yig‘ilishda universitetda ma’naviy muhit barqarorligini mustahkamlash, talabalarni qiynayotgan muammolarni o‘rganish va ularni bartaraf etish, talabalar turar joylarida ichki tartib-qoidalarga rioya etilishini nazorat qilish,  shuningdek, talaba-yoshlarning yot g‘oyalar, turli illatlar ta’siriga tushib qolishi hamda jinoyatchilik va huquqbuzarliklarning oldini olish borasidagi profilaktik tadbirlarni kuchaytirish kabi muhim masalalar yuzasidan ustuvor vazifalar belgilab berildi.