🏆O‘zDJTSU Turkiyaning Kirkkale universiteti bilan xalqaro aloqalarni o‘rnatdi!

#xizmat_safari

🇺🇿Xabar berganimizdek, O‘zbekiston davlat jismoniy tarbiya va sport universitetining Xalqaro hamkorlik bo‘yicha prorektori Jasur Zarifbayev 🇹🇷Turkiya Respublikasida xizmat safarida bo‘lib turibdi.

📆Vakilimiz, 23-dekabr kuni Turkiyaning Kirkkale universitetiga tashrif buyurib, oliygoh rektori, professor Mehmet Bashalan bilan uchrashdi.

🤝Uchrashuv davomida tomonlar ikki universitet o‘rtasida jismoniy tarbiya va sport sohasida ilmiy dastur va tadqiqotlarni rivojlantirish, talabalar va professor-o‘qituvchilar almashinuvi hamda sohani rivojlantirishga qaratilgan xalqaro loyihalar ishlab chiqish yuzasidan fikr va takliflar bildirildi. Shuningdek, universitet prorektori J.Zarifboyev tomonidan oliygohimiz haqida umumiy ma’lumot berilib, O‘zbekistonning 2024-yilgi Parij yozgi Olimpiya o‘yinlaridagi erishilgan g‘alabalarga alohida to‘xtalib o‘tildi va ikki universitet o‘rtasida o‘zaro hamkorlik memorandumi imzolandi. 

✔️Uchrashuv yakunida delegatsyamiz a’zolari Kirkkale universitetining Sport fanlari fakulteti dekani, professor Sibel Arslan hamrohligida universitet faoliyati bilan yaqindan tanishdi.

📍Eslatib o'tamiz, universitetimiz vakiliga safar davomida O‘zbekistonning Bursadagi Faxriy Konsuli Ali Baklan hamrohlik qilmoqda.