Olimpiya oʻyinlari gʻolibi Diyora Keldiyorova: “Munosiblarga ovoz berdim”

#saylov_2024

Mamlakatimizning turli hududlarida, mahallalarida Oʻzbekiston Respublikasi Oliy Majlisining Qonunchilik palatasi hamda mahalliy Kengashlar deputatligi uchun saylovlar davom etmoqda.

Saylov jarayonlarida aholining barcha qatlam vakillari singari sportchilar ham faol ishtirok etmoqda. Vatan kelajagiga daxldorlik hissi bilan yashayotganlar orasida Olimpiya oʻyinlari, jahon chempionatlarining gʻoliblari, sovrindorlari ham borligi eʼtiborli.

Bugun poytaxtimizning Yakkasaroy tumani, “Damariq” MFYda joylashgan 547-saylov uchastkasida dzyudo boʻyicha Olimpiya oʻyinlari gʻolibi Diyora Keldiyorova ovoz berish jarayonida qatnashdi.

-Yangi Oʻzbekistonning yangi kelajagini bunyod etish, uning taraqqiyotini taʼminlashda saylanajak deputatlarning oʻrni beqiyos. Shu jihatdan oʻzim tanlagan munosib nomzodlarga ovoz berdim, -deydi Diyora Keldiyorova.