⚡️ Bugun, 28-sentyabr kuni O‘zbekiston davlat jismoniy tarbiya va sport universitetida Kengash yig‘ilishi bo‘lib o‘tdi.

Universitet rektori Rashid Matkarimov, Sport vazirligi boshqarma boshlig‘i Akramjon Nizametdinov, prorektorlar, kafedra mudirlari, bo‘lim boshliqlari, Kengash a’zolari hamda professor-o‘qituvchilar ishtirokida o‘tkazilgan yig‘ilish avvalida universitet rektori barchani "1- oktyabr – O‘qituvchilar va murabbiylar kuni" bilan samimiy qutladi. Shundan so‘ng hamkor Xitoy davlat universiteti professori, pedagogika fanlari nomzodi Xu Xiangqianga universitet faxriy professori unvoni tantanali tarzda topshirildi.

 
Yig'ilish davomida kun tartibidagi muhim masalalar, jumladan, sohaga oid qaror va buyruqlar mazmun-mohiyati, ularning ijrosi, 2023/2024-o‘quv yilida fanlardan akademik qarzdor bo‘lgan talabalarning navbatdagi kursga o‘tkazish bo‘yicha amalga oshirilgan ishlar, Professor-o‘qituvchilarning dars jarayonini tashkil etishi hamda davomat masalalari, universitetning faoliyat samaradorligi bo‘yicha reytingi va uni yanada yaxshilashda oldindagi vazifalar bo‘yicha hisobotlar tinglandi.

 
Tahliliy-tanqidiy ruhda bo‘lib o‘tgan yig‘ilish davomida universitet tuzilmasiga kiritilgan o‘zgarishlar, yangi tayinlangan lavozimlar haqida ma’lumot berildi. Undan tashqari ma’naviy-ma’rifiy, ilmiy-tadqiqot va o‘quv-uslubiy yo‘nalishlar bo‘yicha amalga oshiriladigan ustuvor vazifalarga alohida to‘xtalib o‘tildi.

 
O‘z navbatida, kun tartibidagi boshqa muhim masalalar yuzasidan mas’ullar hisoboti tinglandi. Yig‘ilish yakunida "1- oktyabr – O‘qituvchilar va murabbiylar kuni"  munosabati bilan universitet xodimlari orasida boshqalarga o‘rnak bo‘lib kelayotgan, fidoiy ustoz-murabbiylarga diplom va esdalik sovg‘alari topshirildi.