Xotin-qizlar sporti - sog‘lom millat poydevori

#ayollar_sporti

Bugun O‘zbekiston davlat jismoniy tarbiya va sport universitetida oliygohning Xotin-qizlar bilan ishlash bo‘limi hamda “Adolat” SDP Toshkent viloyat kengashi bilan hamkorlikda “Xotin-qizlar sporti - sog‘lom millat poydevori” mavzusida sport tadbiri tashkil etildi.

Unda universitet Ilmiy ishlar va innovatsiyalar bo‘yicha prorektori Bahrom Musayev, “Adolat” SDP Toshkent viloyat kengashi raisi Gulnora Axmedova, O‘zbekiston belbog‘li kurash federatsiya raisi, “Adolat” SDP Chirchiq shahar kengashi deputati Ravshan Dastirov, universitet Milliy kurash turlari nazariyasi va uslubiyati kafedrasi mas’ullari, professor-o‘qituvchilar, tegishli bo‘lim xodimalari, tyutorlar, xorijlik mutaxassislar va talabalar ishtirok etishdi.

Tadbir oliygohning Ilmiy ishlar va innovatsiyalar bo‘yicha prorektori Bahrom Musayev tomonidan ochib berildi. Shundan so‘ng  so‘zga chiqqan mas’ullar bugungi kunda sportga, xususan ayolar sporti va salomatligi yo‘lida olib borilayotgan islohotlar hamda yaratilayotgan imkoniyatlar haqida o‘z fikr-mulohazalarini bildirib o‘tishdi va universitet rektori Rashid Matkarimovning "Adolat" SDPga a'zolik guvohnomasi prorektor B.Musayevga tantanali rashishda topshirildi. Tadbir doirasida o'tkazilgan kurashchi talaba-qizlar o‘rtasidagi musobaqa esa qatnashchilar tomonidan katta qiziqish bilan kuzatib borildi. 

Yakunda musobaqa g‘oliblari tashkilotchilar tomonidan munosib taqdirlandi. Shuningdek, universitetning 8 nafar talaba-qizlariga partiyaga a’zolik guvohnomalari va esdalik sovg‘alari topshirildi.