O‘zDJTSUda sayyor darslar tashkil etildi

#sayyor_dars

Bugun O‘zbekiston davlat jismoniy tarbiya va sport universitetida doktorantlar va magistrantlar uchun ilmiy tadqiqotni jarayonlarini to‘g‘ri olib borish, ularning samaradorligini oshirishga qaratilgan ilmiy maqola va tezislar tayyorlash yuzasidan O‘zbekiston davlat jahon tillari universitetining “Pedagogika va psixologiya” kafedrasi professor-o'qituvchilari ishtirokida sayyor darslar bo‘lib o‘tdi. 

Dastlab, universitet rektori Rashid Matkarimov mazkur sayyor darslarning ahamiyati to‘g‘risida qisqacha to‘xtalib o‘tdi.

Shundan so‘ng doktorantlar uchun mehmon universitet dotsentlari Dusmurod Djurayev “Ilmiy-tadqiqot va innovatsion faoliyatni rivojlantirish texnologiyasi” mavzusida, pedagogika fanlari doktori, professor Nilufar Isakulova “Talabgorlarning himoya jarayonlari hujjatlari”, dotsent Shamshetova Anjim Karamiddinova esa “Davlat buyurtmasi asosida bajariladigan ilmiy loyihalar” kabi dolzarb mavzularda sayyor darslarni o‘tkazishdi.

Shuningdek, magistrantlarga dotsent Muxayyo Jumaniyozova “Talabalarning analitik qobiliyatlarini rivojlantirish masalalari” mavzusida, dotsent Mahfuza Murtozoyeva “Tadqiqot ishlarining samaradorligini oshirishda maqola va tezislarni tayyorlash bo‘yicha qo‘yiladigan talablar” singari muhim mavzularni o‘ziga xos taqdimotlar orqali ochib berishdi.