Mini futbol bo‘yicha Universitet ochiq chempionati g‘oliblari aniqlandi

#mini_futbol
#ochiq_chempionat

⚽️Kecha, 17-aprel kuni universitetda talabalar o‘rtasida tashkil etilgan mini futbol bo‘yicha Universitet ochiq chempionati o‘z nihoyasiga yetdi.

✅Final uchrashuvida barcha bosqichlardan muvaffaqiyatli o‘tgan “Olimp” va “Atlet” jamoalari o‘rtasida kechgan murosasiz bahslar yakunida “Olimp” jamoasi yirik 4:1 hisobi bilan g‘alabani naqd qilib, musobaqa chempioniga aylanishdi. Shunday qilib yakuniy natijalar quyidagicha:

🥇1-o‘rin – “Olimp” (Menejment va sport tadbirlarini tashkil etish kafedrasi) jamoasi;
🥈2-o‘rin – “Atlet” (Yengil atletika, biatlon nazariyasi va uslubiyati kafedrasi) jamoasi; 
🥉3-o‘rin – “Ardus” (Tennis, badminton, stol tennisi nazariyasi va uslubiyati kafedrasi) jamoasiga nasib etdi.

✔️Shuningdek, chempionatning “Eng yaxshi hakami” deb Shoxjahon Saidahmadov, “Eng yaxshi darvozabon” “Olimp” jamoasi a’zosi Azamat Botirov,  “Eng yaxshi himoyachi” “Ardus” jamoasi a’zosi Asror Turg‘unboyev va “Eng yaxshi o‘yinchi” nominatsiyasiga “Olimp” jamoasi a’zosi Nazirjon Rahmatullayevlar loyiq ko‘rildi.

🎁Musobaqaning yopilish marosimida so‘z olganlar barcha jamoalarning faol ishtirokini e’tirof etib, mazkur chempionat mini futbol bo‘yicha Universitet terma jamoasi shakllanishiga katta xizmat qilganini alohida ta’kidlab o‘tishdi. G‘olib va sovrindorlar oliygoh Sport klubi hamda Futbol nazariyasi va uslubiyati kafedrasi tomonidan esdalik sovg‘alari bilan taqdirlandi.