👨🏻‍🎓📜Xalqaro Kongressda kurash mutaxassislariga O'zDJTSU faxriy professori unvoni topshirildi!

#xalqaro_e’tirof 

🤼Ayni kunlarda Ulan-Bator shahrida o‘tkazilayotgan Kurash bo‘yicha kadetlar, o‘smirlar va faxriylar o‘rtasidagi jahon chempionati doirasida Xalqaro Kurash Assotsiatsiyasi (IKA)ning navbatdagi Kongressi bo‘lib o‘tdi. 

🌍Tadbirda dunyoning 50 ga yaqin davlatidan delegatlar bevosita hamda onlayn tarzda ishtirok etishdi. Ushbu kongressda IKA prezidenti Haydar Farmon Xalqaro kurash instituti tomonidan amalga oshirilayotgan ishlarga yuksak baho berib, yangi tashabbuslar kurashni butun dunyoda ommalashtirish uchun keng istiqbollar ochishini ta’kidlab o‘tdi.

📍Ahamiyatlisi, mazkur Kongress davomida IKA prezidenti tomonidan IKI rektori H.Tadjiyev va Ilmiy bo‘lim boshlig‘i Rizo Nassiriyning kurash sportini rivojlantirishdagi xizmatlari alohida e’tirof etilib, ularga 🏆O‘zbekiston davlat jismoniy tarbiya va sport universitetining faxriy professori unvoni topshirildi.