Parij-2024 yozgi Paralimpiya o‘yinlari qahramonlari O‘zDJTSU magistratura bosqichiga qabul qilindi!

#uchrashuv

Bugun O‘zbekiston davlat jismoniy tarbiya va sport universitetida rektor Rashid Matkarimov, kafedra mudirlari, tegishli bo‘lim rahbarlari hamda butun dunyoning diqqat markazida bo‘lgan Parij-2024 XVII yozgi Paralimpiya o‘yinlarida o‘z tarixida eng yaxshi natijalarni qayd etgan sportchilar va ularning murabbiylari o‘rtasida uchrashuv bo‘lib o‘tdi.

Uchrashuv avvalida universitet rektori Rashid Matkarimov Parij-2024 XVII yozgi Paralimpiya o‘yinlari g‘olib va sovrindorlari hamda ularning murabbiylarini universitetning magistratura bosqichiga o‘qishga qabul qilingaliklari bilan tabrikladi.

Shundan so'ng rektor sportchilarga erishgan yutuqlari natijasi o‘laroq, endilikda sport sohasini ilmiy jihatdan puxta egallash va mavjud bilim va ko‘nikmalarini yanada oshirishga e’tibor qaratishlari, shuningdek, o‘z yo‘nalishida ilmiy izlanishlarni kuchaytirish zarurligi kabi muhim masalalarga alohida urg‘u berib, bu borda mas’ullarga kerakli ko‘rsatmalar berildi.

Uchrashuv yakunida sportchilar va murabbiylarning ham takliflari tinglandi. O‘z o‘rnida uchrashuv qahramonlari yaratilgan mazkur imkoniyat uchun hukumatimiz rahbarlariga o‘z minnatdorchiliklarini bildirib o‘tishdi.