Universitet futbol ligasi murosasiz bahslarga boy final hamda o‘ziga xos yakun!

Bugun O‘zbekiston davlat jismoniy tarbiya va sport universitetida professor-o‘qituvchilar hamda ishchi xodimlari o‘rtasida anʼanaviy tarzda o‘tkazilib kelinayotgan universitet futbol ligasi UFL musobaqasining yakuniy final bosqichi va yopilish marosimi bo‘lib o‘tdi.

Unda oliygoh prorektorlari, bo‘lim rahbarlari, ishchi xodim va professor-o‘qituvchilar ishtirok etishdi.

Qayd etish kerakki, musobaqa boshlanganidan buyon universitetning pedagog va ishchi xodimlarini bir joyga to‘plagan ushbu musobaqada 13 ta jamoa o‘zaro g‘oliblik uchun qizg‘in bahslarni olib borishdi.

Yakuniy natijalarga ko‘ra:

1-o‘rin va g‘oliblik kubogi – “Do‘stlik” jamoasiga;

2-o‘rin –“Psixolog” jamoasiga;

3-o‘rin – “Atlet” jamoasiga;

4-o‘rin – “Ziyokor” jamoasiga nasib etdi.

Yakunda esa g‘olib va sovrindorlar medal, diplom, kubog hamda qimmatbaho sovg‘alar bilan taqdirlandi. Shuningdek, musobaqani tashkil etishda faol ishtirok etgan bir guruh xodimlar, qolaversa turli nominatsiyalar bo‘yicha ham g‘oliblikni qo‘lga kiritgan jamoalarga tashakkurnoma va esdalik sovg‘alari topshirildi.