Rektor Rashid Matkarimovning Qoraqolpog'iston Respublikasidagi xizmat safari to'g'risida

Mamlakatimizda vatanimiz sport sharafni xalqaro sport maydonlarida munosib himoya qiladigan mahoratli sportchilarni tayyorlashda sport ta’limi yo‘nalishida amalga oshirilayotgan islohotlarning o‘rni beqiyos. 
Shu kunlarda O‘zbekiston davlat jismoniy tarbiya va sport universiteti rektori Rashid Matkarimov Qoraqalpog‘iston Respublikasida sport ta’limi yo‘nalishida amalga oshirilayotgan ishlar bilan tanishish hamda universitetning Nukus filialida talabalarga yaratilgan shart-sharoitlar, ularning sport bilan muntazam va tizimli shug‘ullanishi, mavjud sport inshootlari holatini o‘rganish maqsadida xizmat safarida bo‘lib turibdi.

Univesitet rektori dastlab filialda ta’lim sifati, sohaga oid normativ-huquqiy hujjatlar ijrosi, o‘quv jarayonlarining olib borilishi bilan tanishdi. Shundan so‘ng, filialning professor-o‘qituvchilari, O‘zbekiston Respublikasi Prezidenti va nomdor davlat stipendiyalari tanlovi g‘oliblari va iqtidorli talabalar bilan uchrashib, ularning fikr va takliflarini tingladi. 

Uchrashuv davomida rektor Rashid Matkarimov joriy yilning 13 fevral kuni Prezident Shavkat Mirziyoyev raisligida olimpiya va paralimpiya harakatini yanada rivojlantirish, ommaviy sportni yangi bosqichga olib chiqish hamda aholining jismoniy faolligini oshirish chora-tadbirlari yuzasidan o‘tkazilgan videoselektor yig‘ilishida berilgan vazifalardan kelib chiqib, Qoraqalpog‘iston Respublikasida ommaviy sportni rivojlantirishda filialning tutgan o‘rnini yanada yaxshilash, ta’lim sifatini oshirish, har jihatdan salohiyatli mutaxassislarni tayyorlash kabi qator masalalar xususida so‘z yuritildi. 

Universitetning Nukus filiali o‘qituvchi-murabbiylari, sport kafedralarining ilmiy olimlari, talaba-sportchilari mamlakatimizda professional sport va ommaviy sportni rivojlantirish, amaliy va nazariy mashg‘ulotlar sifati kabi bir qator masalalar borasida o‘z fik-mulohazalarini, takliflarini bildirishdi. Har bir masala yuzasidan o‘tkazilgan qizg‘in muhokamalardan so‘ng, ularning ijrosini ta’minlash yuzasidan mas’ullarga zarur ko‘rsatma va topshiriqlar yuklatildi.

Rektor Rashid Matkarimovning Qoraqolpog'iston Respublikasidagi xizmat safari davom etmoqda.