Rashid Matkarimovga Janubiy Koreya universiteti faxriy doktori unvoni taqdim etildi

Xabar berganimizdek, ayni kunlarda universiteti delegatsiyasi Janubiy Koreya mamlakatida bo‘lib turibdi. Bugun, 20 fevral kuni universitet rektori Rashid Matkarimov Yong In universiteti vakillari bilan hamkorlik aloqalarini mustahkamlash, sport ta’limi yo‘nalishida yangi loyihalarni hayotga tatbiq etish masalasida muhim uchrashuvni o‘tkazdi.

Uchrashuvda bir qator masalalar va istiqbolli mavzular muhokama qilindi. Xususan, ikki oliygoh o‘rtasida hamkorlik o‘rnatish, talabalar va professor-o‘qituvchilar almashinuvi, shuningdek, ikki tomonlama ta’lim dasturlari va xalqaro qo‘shma loyihalar yaratish kabi masalalar ko‘rib chiqildi.Yakunda ikki universitet o‘rtasida hamkorlik memorandumi imzolandi. 

Shuningdek, Yong In universiteti prezidenti Jin-Soo Han tomonidan O‘zbekiston davlat jismoniy tarbiya va sport universiteti rektori Rashid Matkarimovga Yong In universitetining jismoniy tarbiya faxriy doktori ilmiy darajasi topshirildi.