Pahlavon Mahmud – ulug' shoir, mutafakkir, faylasuf va pahlavonlar peshvosidir!

#UNIVERSITET_HAYOTIDAN

Bugun, 2-dekabr kuni universitetning Ijtimoiy-gumanitar fanlar kafedrasi professor-o‘qituvchilari tomonidan Pahlavon Mahmud tavalludining 777 yilligi munosabati bilan talabalar ishtirokida suhbat tashkil qilindi. 

Suhbat davomida kafedra professor-o‘qituvchilari talabalarga mazmunan boy va teran, shaklan pishiq va go‘zal falsafiy ruboiylari tufayli “Xorazm Xayyomi” nomi bilan shuhrat qozongan, Puryorvaliy deb dovrug‘ taratgan hassos shoir Pahlavon Mahmud haqida qiziqarli ma’lumotlarni berdilar. Undan tashqari Pahlavon Mahmud Eron, Hind kabi ko‘plab Sharq mamlakatlaridagi kurash musobaqalarida qatnashib, hamisha zafar quchgani, bir umr kuragi yerga tegmay, mamlakatning birinchi polvoni, pahlavonlar peshvosi bo‘lganligi alohida qayd etildi.

Qiziqarli savol-javoblar hamda Pahlavon Mahmud hayoti va ijodi to‘g‘risidagi ko‘plab boshqa ma’lumotlarga boy bo‘lgan mazkur tadbir talabalarning ajdodimiz  haqidagi bilimlarini yanada oshishiga xizmat qildi.