🏆O‘zDJTSU sport ta’limini rivojlantirish bo‘yicha xalqaro aloqalarni kengaytirmoqda!

#tashrif

✅Bugun, 6-yanvar kuni O‘zbekiston davlat jismoniy tarbiya va sport universitetiga Mongoliya milliy olimpiya akademiyasi prezidenti, Mongoliyada xizmat ko‘rsatgan pedagog, sport ustasi, professor Choyjgavaa Zorigtbaatar hamda Rossiya Federatsiyasining Kuban davlat jismoniy tarbiya, sport va turizm universiteti professori Leonid Dvorkinlardan iborat delegatsiya tashrif buyurdi.

✔️Faxriy mehmonlar universitet rektori Rashid Matkarimov boshchiligidagi rahbariyat jamoasi tomonidan munosib kutib olindi. 

📍Dastlab delegatsiya a’zolari universitet Axborot-resurs markazi faoliyati bilan tanishdi va oliygoh kutubxonasi uchun sport sohasiga oid qimmatli kitoblar to‘plamini taqdim etishdi. Shundan so‘ng faxriy mehmonlar hamda universitet jamoasi o‘rtasida uchrashuv bo‘lib o‘tdi.

💻Uchrashuv davomida professor Choyjgavaa Zorigtbaatar tomonidan Mo‘g‘ulistonda jismoniy tarbiya va sportning rivojlanishi, erishilgan yutuqlar hamda mavjud sport inshootlari haqida taqdimot qilinib, ikki tomonlama hamkorlik aloqalarini yo‘lga qo‘yish masalalari muhokama qilindi.  Uchrashuv so‘ngida Mongoliya milliy olimpiya akademiyasi prezidenti, Mongoliyada xizmat ko‘rsatgan pedagog, sport ustasi, professor Choyjgavaa Zorigtbaatarga O‘zbekiston davlat jismoniy tarbiya va sport universitetining faxriy professori unvoni va esdalik sovg‘alari topshirildi.

♻️Shuningdek,  Rossiya Federatsiyasining Kuban davlat jismoniy tarbiya, sport va turizm universiteti professori Leonid Dvorkin tomonidan og‘ir atletika yo‘nalishi bo‘yicha ustoz-murabbiylar va terma jamoa a'zolariga amaliy mashg‘ulot jarayonlarini tashkil etish yuzasidan trening o‘tkazildi va ushbu yo‘nalishda hamkorlik aloqalarini o‘rnatish rejalari muhokama qilindi.

🏢Tashrif yakunida esa faxriy mehmonlar uchun universitet bo‘ylab ekskursiya tashkil etildi.