Jismoniy tarbiya va sport sohasida kasbga yoʻnaltirib oʻqitishning dolzarb muammolari

#ilmiy_anjuman

Jismoniy tarbiya va sport taʼlimidagi muammolarni oʻrganish hamda innovatsion yechimlarni joriy qilish masalalarini muhokama qilish uchun soha olimlari va mutaxassislarni birlashtirish maqsadida bugun,  27-sentabr kuni Oʻzbekiston davlat jismoniy tarbiya va sport universiteti Ijtimoiy-gumanitar fanlar kafedrasi tomonidan “Jismoniy tarbiya va sport sohasida kasbga yoʻnaltirib oʻqitishning dolzarb muammolari” mavzusida Respublika ilmiy anjumani oʻtkazildi.

Anjumanda  mamlakatimiz olimlari bilan bir qatorda xorij olimlari: Sankt-Peterburg boshqaruv texnologiyasi va iqtisodiyot universiteti kichik ilmiy xodimi psixologiya fanlari nomzodi D.I.Voronov, Kuban davlat jismoniy tarbiya, sport va turizm universiteti dotsenti A.Yu.Chastoedova, Belorusiya Milliy texnika universiteti professori pedagogika fanlari nomzodi R.E.Zimnitskaya, Belorusiya Milliy texnika universiteti talabalari hamda Xitoy davlat universiteti professori, pedagogika fanlari nomzodi Xu Xiangqianlar oʻz maʼruzalari va chiqishlari bilan faol ishtirok etishdi.

Shuningdek, anjuman doirasida universitet bilan Boʻstonliq  tuman ixtisoslashtirilgan (aniq va gumanitar fanlar) maktabi oʻrtasida hamkorlik shartnomasi imzolandi.