📚Yangi darslik taqdimoti bo'lib o'tdi

#kitob_taqdimoti

📆Bugun, 17-yanvar kuni Chirchiq olimpiya va paralimpiya sport turlariga tayyorlash markazida O‘zbekiston davlat jismoniy tarbiya va sport universiteti Milliy kurash turlari nazariyasi va uslubiyati kafedrasi professori Tal'at Usmonxo‘jaev  va kafedra mudiri Nuriddin Chorshamiyev hammuallifligida nashr etilgan “Milliy va harakatli o‘yinlarni o‘rgatish metodikasi” nomli yangi darslik taqdimoti o'tkazildi.

Kafedra va markaz mas’ullari, o‘quvchilar ishtirokida bo‘lib o‘tgan ushbu taqdimot tadbirida darslik o‘zida milliy xalq harakatli o’yinlarning yaratilishi tarixi, ularning shakllanishiga doir etimologik va xronologik ma'lumotlarni, shuningdek, o’yinlarning nazariy asoslari, tasnifiy xususiyatlari, bolalarning yoshi, jinsi va tanlangan sport turlariga qarab tabaqalashtirilgan o’yinlar mohiyati, mazmuni, qoidalari hamda ularga o’rgatish masalalari yoritilganligi bilan talabalar, yosh murabbiylar uchun zaruriy qo‘llanma bo‘lib xizmat qilishi to'g'risida o‘z fikrlarini bildirdilar.

Yakunda talaba-yoshlar darslik bilan bog‘liq barcha savollariga atroflicha javob olishdi.