O‘ZDJTSU: talaba manfaati - mas'ullar nigohida!

#jarayon

2024-yil 26-sentabr kuni O‘zbekiston davlat jismoniy tarbiya va sport universitetiga Sport vazirligi Oliy va professional ta'lim muassasalari bilan ishlash bo‘limi boshlig'i o‘rinbosari Muqim Arziqulov tashrif buyurib, universitet o‘quv jarayonlari, talabalarning bo‘sh vaqtini mazmunli tashkil etish yo‘nalishida olib borilayotgan ishlar, sport yo‘nalishlari bo‘yicha tashkil etilgan to‘garaklar, talabalar turar joyida yo‘lga qo‘yilgan ''Rektor shtabi'' faoliyati bilan yaqindan tanishdi.

O‘rganishlar natijasida universitet yotoqxonasida istiqomat qiluvchi talabalar uchun turli madaniy-ko‘ngilochar tadbirlar va musobaqalar tashkil etish orqali ularning bandligini ta'minlagan holda, vaqtdan unumli foydalanishga o‘rgatish, kechki paytlarda faoliyat yuritishga mo‘ljallangan xorijiy tillar hamda qizlar uchun tikuvchilik va pazandalik kurslarini tashkil etish bo‘yicha mas'ullarga tegishli ko‘rsatma va topshiriqlar berildi.