Universitetga jalb etilgan xorijlik professorlarning yurtimizdagi sport ta‘lim muassasalari faoliyati va ularning moddiy-texnik bazasi bilan tanishuvi davom etmoqda…

#xizmat_safari

 
Avval xabar berganimizdek, bugun, 24-aprel kuni O‘zbekiston davlat jismoniy tarbiya va sport universiteti rektori Rashid Matkarimov hamrohligida universitetga jalb qilingan Pekin sport universiteti professori Yang Binsheng Namangan viloyatidagi sport inshootlari bilan tanishgandi. 

 
Vakillarimiz kunning ikkinchi yarimida Andijon olimpiya va paralimpiya sport turlariga tayyorlash markazida bo‘lib, u yerda erkin va yunon-rum kurashi bo‘yicha o‘tkazilayotgan yoshlar o‘rtasidagi O‘zbekiston chempionatida ishtirok etdi. Ushbu markazdagi og‘ir atletika zalini ko‘zdan kechirib, boks bo‘yicha Qozog‘iston terma jamoasi vakillari hamda Andijon viloyati bokschilarning qo‘shma mashg‘ulotlarini kuzatishdi.
 

Namanganda bo‘lgani kabi bu yerda ham sportchi yoshlar bilan ochiq muloqotlar tashkil etildi. Suhbat davomida rektor tomonidan ushbu markaz bitiruvchi yoshlariga O‘zbekiston davlat jismoniy tarbiya va sport universitetida o‘qishni davom ettirish taklifi bildirildi. 

 
Shundan so‘ng, Andijon shahridagi yangi barpo etilgan “Universal” sport majmuasini ko‘zdan kechirdilar.

 
Vakillarimizning vodiy viloyatlari bo‘ylab safari davom etadi, ertangi manzilimiz Farg‘ona viloyati.

Bizni kuzatib boring.