Universitetga jalb etilgan xorijlik professorlarning yurtimizdagi sport ta‘lim muassasalari faoliyati va ularning moddiy-texnik bazasi bilan tanishuvi davom etmoqda…

#xizmat_safari

O‘zbekiston davlat jismoniy tarbiya va sport universiteti rektori Rashid Matkarimov hamrohligida universitetga jalb qilingan Pekin sport universiteti professori Yang Binsheng yurtimizdagi sport ta‘lim muassasalaridagi o‘quv mashg'ulot jarayonlari bilan tanishuvi davom etmoqda. 

Bugun, 24-aprel kuni vakillarimiz Namangan olimpiya va paralimpiya sport turlariga tayyorlash markazida bo‘lib, u yerda sportchilarga yaratilgan sharoitlar, moddiy-texnik baza va o‘quv-mashg‘ulot jarayonlari bilan yaqindan tanishdi.

Tanishuv jarayonida sportchi yoshlar bilan suhbatlashildi. Suhbatda rektor tomonidan markazning 79 nafar bitiruvchi yoshlariga O‘zbekiston davlat jismoniy tarbiya va sport universitetida o‘qishni davom ettirish taklifi bildirildi. 

Yosh sportchilarning 2025-yilda yurtimizda o‘tkaziladigan Yoshlar o‘rtasida  Osiyo va Paraosiyo oʻyinlarida munosib ishtirok etish uchun hozirdan puxta tayyorgarlik ko‘rish bo‘yicha murabbiylarga zarur tavsiyalar berildi.

Yakunda Universitet hamda Markazning mutaxassislik kafedralar bilan tegishli sport turlar bo‘yicha tegishli bo‘limlari o‘rtasida o‘zaro hamkorlik qilishga kelishib olindi.

Xizmat safarining keyingi manzili Andijon viloyati.