🏆O‘zDJTSU jamoasi armrestling bo‘yicha tengsiz bo‘ldi!

#REKTOR_KUBOGI 
#armrestling 

💪17-aprel kuni universitetda Tennis, badminton, stol tennisi kafedrasi tashabbusi bilan talabalar o‘rtasida armrestling sport turi bo‘yicha "REKTOR KUBOGI" musobaqasi bo‘lib o‘tdi.

⏩Dastlab musobaqaning ochilish marosimi o‘tkazilib, unda so‘zga chiqqanlar barcha jamoalarga omad tiladi va ishtirokchilar uchun universitet sportchi talabalari tomonidan ko‘rgazmali chiqishlar namoyish etildi.

⚖️Bahslar 55 kg, 65 kg  70 kg, 80 va +80 kg vazn toifalarida o‘tkazilib, musobaqa o‘zida respublikamizdagi qator oliy ta’lim muassasalari talabalaridan iborat jamoalar hamda qo‘shni qozog‘istonlik sportchilarni ham qamrab oldi.

🌟Jamoalar o‘rtasida kechgan shiddatli o‘yinlar davomida universitetimiz talaba yigit-qizlariga teng keladigani topilmadi. Natijalar esa umumjamoa hisobida quyidagicha bo‘ldi:

🥇1-o‘rin – O‘zbekiston davlat jismoniy tarbiya va sport universiteti jamoasi;
🥈2-o‘rin - Favqulodda vaziyatlar akademiyasi;
🥉3-o‘rinni – Toshkent iqtisodiyot va pedagogika universiteti egalladi.

🏵Shuningdek, oliygohimiz jamoasi o‘ng va chap qo‘l bahslarida ham yetakchilikni o‘zlarida saqlab qolishdi. Musobaqaning mutlaq gʻolibi +80 kg vazn toifasida chempionlik kamari ham kubokni universitetimizning dzyudo ixtisosligi talabasi Yarashboy Yoʻldashev qolga kiritdi.

👏💐Talabalarimizni ushbu g‘alaba bilan tabriklaymiz!