🏆 O‘zDJTSUda “Shijoat” ashula va raqs ansambli tashkil etilmoqda!

✅ Bugun, 3-fevral kuni O‘zbekiston davlat jismoniy tarbiya va sport universitetida havaskor ijodkorlarni qo‘llab-quvvatlash, yoshlarni milliy qadriyat va vatanparvarlik ruhida tarbiyalash, shuningdek, jamoa orasida milliy musiqa madaniyatini keng targ‘ib qilish maqsadida “Shijoat” ashula va raqs ansambli tarkibiga iqtidor egalarini tanlab olishga qaratilgan kasting bo‘lib o‘tdi.

🎤💃🎻🪕 Ushbu ansambl oliygoh rektorining madaniy-ma’rifiy ishlar bo‘yicha maslahatchisi, O‘zbekiston xalq hofizi, professor Orolmirzo Safarov boshchiligida tashkil etilayotgan bo‘lib, kastingda 50 ga yaqin nomzodlar qo‘shiq aytish, raqs san’ati, milliy cholg‘ularda ijro etish yo‘nalishlarida o‘z iqtidorlarini namoyon etishdi.

✔️ Kasting so‘ngida esa barcha yo‘nalishlar bo‘yicha eng yaxshi iqtidor egalari ansambl jamoasi uchun saralab olindi va ular bilan kelgusida amalga oshiriladigan ijodiy ishlar haqida suhbat o‘tkazildi.