🎄O‘zDJTSUda talabalar ishtirokida "Yangi yil kechasi" o‘tkazildi

#yangi_yil

🏆Bugun, 19-dekabr kuni universitetning talabalar turar joyida oliygohning Yoshlar ittifoqi boshlang'ich tashkiloti tomonidan talaba-yoshlar ishtirokida "Yangi yil kechasi" tadbiri bo‘lib o‘tdi.

🎅👸Tadbirni universitetning Yoshlar masalalari va ma’naviy-ma’rifiy ishlar bo‘yicha birinchi prorektor ochib berib, barchani yaqinlashib kelayotgan yangi yil bilan samimiy qutladi. Shundan so‘ng tadbirning badiiy qismi boshlanib, unda 🎉YANGI YIL bayramining ramzi hisoblangan qorbobo, qorqiz va ertak qahramonlari obrazlari ishtirokidagi sahnaviy chiqishlar, turli qiziqarli shartlardan iborat o‘yinlar, ulashilgan sovg‘alar va sho‘x kuy-qo‘shiqlar talabalarga nafaqat xush kayfiyat ulashdi, balki ularni bolalik xotiralari sari yetaklagani bilan barchada katta taassurot qoldirdi. Shuningdek, tadbirda “Antikorrupsiya oyligi” doirasida bo‘lib o‘tgan tanlovlarning g‘olib va sovrindorlari taqdirlandi.

⛷🧑🏻‍🦽Aytish joizki, bayram tadbirlari kafedralar kesimida ham tashkil qilinmoqda. Jumladan, universitetning Adaptiv jismoniy tarbiya va parasport hamda Qishki va murakkab texnik sport turlari nazariyasi va uslubiyati kafedralari tomonidan ham “Yangi yil” bayram tadbiri yuqori saviyada tashkil etildi.