Jaholatga qarshi ma’rifat bilan kurashmoq kerak!

#UNIVERSITET_HAYOTIDAN

Joriy yil 17-dekabr kuni universitet Xotin-qizlar bilan ishlash boʻlimi boshligʻi D.Ismailova, kafedralarning xotin-qizlar bo‘yicha maʼsullari hamda Chirchiq shahar Din ishlari  bo‘yicha qoʻmita vakili Voxidjon Xamidov hamkorligida “Jaholatga qarshi maʼrifat" shiori ostida tadbir boʻlib oʻtdi.  

Tadbir davomida mutaxassis tomonidan talaba-qizlarga hozirgi kunda dunyo shiddat bilan o‘zgarayotgani, insoniyatning taqdiri va kelajagiga tahdid solayotgan xavf-xatar va turli ziddiyatlar tobora avj olayotgani, bunday sharoitda esa barqarorlikni saqlash hamda ma’naviyat va ma’rifatga e’tibor qaratish, shuningdek, “Jaholatga qarshi – ma’rifat” tamoyili asosida unib-o‘sib kelayotgan yoshlarimizni sog‘lom e’tiqod ruhida tarbiyalash yanada dolzarb ahamiyat kasb etishi borasida qimmatli fikrlar bildirildi. 

Tadbir soʻngida talaba-qizlar tomonidan oʻzlarini qiziqtirgan savollarga atroflicha javob olishdi.