👩‍🎓Yosh olimlar va talabalarni ilmiy faoliyatga keng ravishda jalb qilishga xizmat qilayotgan ilmiy anjumanlar davom etmoqda!

#universitet_hayotidan

#ilmiy_anjuman

📊Bugun, 17-dekabr kuni universitetning Jismoniy tarbiya, sport nazariyasi va uslubiyati kafedrasi tomonidan “Jismoniy tarbiya va sport sohasidagi ilmiy tadqiqotlar hamda innovatsion texnologiyalarni joriy etish istiqbollari” mavzusidagi Respublika ilmiy-amaliy anjumani o‘tkazildi.

✔️Universitetning Yoshlar masalalari va ma’naviy-ma’rifiy ishlar bo’yicha birinchi prorektori Sh.Mirzanov tomonidan ochib berilgan ushbu anjumanda kafedra mudirlari, professor-o‘qituvchilar, oliygohning Farg‘ona filiali hamda Chirchiq olimpiya va paralimpiya sport turlariga tayyorlash markazi vakillari, sohada faoliyat yuritayotgan mutaxassislar, yosh olimlar, magistrantlar va iqtidorli talaba-yoshlar ishtirok etdi.

📌Shuni alohida qayd etish kerakki, sohadagi ilmiy tadqiqotlarga innovatsion texnologiyalarni keng joriy etishga qaratilgan mazkur anjumanda jismoniy tarbiya va sport orqali aholi barcha qatlamlarini sog‘lomlashtirishda sun’iy intellektdan foydalanish mexanizmlari, sport xizmatlari bozorini rivojlantirish va takomillashtirish, maktabgacha ta’lim tashkilotlarida jismoniy tarbiya va sportni rivojlantirishda innovatsion texnologiyalarning qo‘llanilishi, shuningdek, aholi salomatligini mustahkamlashda jismoniy tarbiya va sportni yangi bosqichga olib chiqish vazifalari hamda yechimlari kabi qator dolzarb mavzularda taqdimotlar qilindi.

📜Anjuman so‘ngida eng yaxshi taqdimot egalariga sertifikatlar topshirildi.