🏆Universitet prorektori xalqaro simpoziumda ishtirok etmoqda

#xizmat_safari

Ayni kunlarda universitetning Xalqaro hamkorlik bo‘yicha prorektori Jasur Zarifbayev Kiprdagi Yakindug‘ universiteti hamda “Turk dunyosi muhandislar va me’morlar birligi” uyushmasi tomonidan tashkil etilgan ''Umumjahon universitetlar simpoziumi''da ishtirok etish uchun Shimoliy Kipr Turk Respublikasida xizmat safarida bo‘lib turibdi. 

Kecha, 16-dekabr sanasida simpoziumning ochilish marosimi bo‘lib o‘tdi va marosim Kipr Turk Respublikasi Prezidenti Ersin Tatarning kirish so‘zi bilan boshlanib, simpoziumda turli davlat universitetlarining rektorlari, rahbar xodimlari o‘z nutqlari bilan chiqishlar qilishdi. 

Shu jumladan, universitetimiz vakili, Xalqaro hamkorlik bo‘yicha prorektor Jasur Zarifbayev ham mazkur simpozium ishtirokchisi sifatida taqdimot qildi. Shuningdek, simpozium mobaynida bir qator universitet vakillari bilan fikr almashilib, kelgusida hamkorlikning turli yo‘nalishlarida o‘zaro faoliyat olib borishni yo‘lga qo‘yish masalalari kelishib olindi.