Universitetda navbatdagi rektor va talabalar uchrashuvi bo'lib o'tdi

#rektor_bilan_uchrashuv

Bugun Oʻzbekiston davlat jismoniy tarbiya va sport universiteti rektori Rashid Matkarimov bilan oliygohning 3-sonli talabalar turar joyida turuvchi talaba-yigitlar oʻrtasida uchrashuv boʻlib oʻtdi.

Uchrashuv avvalida, universitet rektori talabalarga jismoniy tarbiya va sport sohadagi yangiliklar va olib borilayotgan islohotlar toʻgʻrisida qisqacha maʼlumot berib, ana shunday ijobiy oʻzgarishlarga munosib javob qaytarish, sohaning yetuk mutaxassisi boʻlib yetishishi yoʻlida tinmay izlanishda boʻlish kerakligiga alohida urgʻu berdi. Oʻz navbatida talabalar turar joylaridagi ichki tartib va tozalikka qatʼiy rioya qilishlari zarurligi taʼkidlandi. Shuningdek, uchrashuv davomida oʻquv jarayonlari va mashgʻulotlar hamda TTJlarida yuzaga kelayotgan ayrim muammolar ham tinglandi.

Eng ahamiyatlisi, samimiy suhbatga ulanib ketgan uchrashuvda talabalar turar joyida turli hunar va til oʻrgatish toʻgaraklari faoliyatini kengaytirish kabi talaba-yigitlar tomonidan bildirilgan takliflar universitet rektorining diqqat markazida boʻldi.

Uchrashuv yakunida  3-son talabalar turar joyida Rektor shtabi har kuni ertalab soat 07:00 dan 09:00 ga qadar va kechki paytlarda soat 18:00 dan 22:00 ga qadar faoliyat yuritayotgani talabalarni qiynayotgan har bir muammoning yechimi borligi, ularni tezkor va sifatli hal qilish boʻyicha   universitet rektori boshchiligidagi masʼullar tomonidan tegishli yechimlar berilishi takror eslatib oʻtildi.