Bugun, 17-oktabr kuni ana shu shior ostida poytaxtimizdagi ma'naviyat maskani, so'lim Adiblar xiyobonida universitetning O‘zbek va chet tillari kafedrasi tomonidan O'zbek tiliga davlat tili maqomi berilganligiga 35 yilligi munosabati bilan tantanali bayram tadbiri o'tkazildi.
Kafedra mas'ullari, professor-o‘qituvchilar, tyutorlar, talabalar hamda O‘zbekiston yozuvchilar uyushmasi a’zolari va elimiz suygan san'at vakillari qatnashgan ushbu bayram tadbiri ko'tarinki kayfiyat va yuqori saviyada tashkil etildi.
Tadbir davomida til – millat ruhi, merosi, madaniy va ma’naviy boyligi, davlat timsoli, xalq madaniyati, urf-odati, uning turmush tarzi va tarixi ekanligi, shuningdek, til millatni millat qilguvchi vosita hisoblanib, u millatning ko‘zgusi bo'lib xizmat qilishi to'g'risida so'z yuritildi.
Ayniqsa, tadbir milliy kuy-qo'shiqlar, ona tilimizga bag'ishlangan ijodiy chiqishlar hamda jozibador raqslar bilan yanada zavqli o'tdi.