Sportchilarning psixofiziologik holatini oʻrganish muammolariga bagʻishlangan ilmiy anjuman oʻtkazildi

#ilmiy_anjuman

Maʼlumki, jismoniy tarbiya va sport sohasida malakali kadrlar tayyorlash, pedagogik va ilmiy salohiyatni yanada oshirish hamda ilmiy-tadqiqot ishlari sifatini tubdan yaxshilashda ilmiy anjumanlarning alohida oʻrni bor.

Bugun universitetning Sport pedagogikasi va psixologiya kafedrasi tomonidan tomonidan ana shunday samaradorligi yuqori boʻlgan “Sportchilarni psixofiziologik holatini oʻrganish muammolari” mavzusida Respublika ilmiy-amaliy anjumani boʻlib oʻtdi.

Universitetning Ilmiy ishlar va innovatsiyalar boʻyicha prorektori Shukurjon Gaziyevning kirish soʻzi bilan boshlangan anjumanda Oʻzbekiston psixologlar assotsiatsiyasi boshqaruv aʼzosi, oila va bolalar psixologi Shoira Isakova, kafedra mudirlari,  boʻlim boshliqlari, professor-oʻqituvchilar, mustaqil izlanuvchilar, magistrantlar, talabalar hamda sohada faoliyat yuritayotgan mutaxassislar ishtirok etishdi.

Bosh maqsadi jismoniy tarbiya, sport sohasida ilmiy tadqiqotlar va ommaviy sportni yanada rivojlantirish, oʻzaro tajriba almashish, ilmiy hamda amaliy yutuqlar bilan oʻzaro oʻrtoqlashishdan iborat boʻlgan mazkur anjumanda sport faoliyatini psixologik va psixofiziologik taʼminlashning dolzarb muammolari, motivatsiya va sportchining psixofiziologik holati, emotsional holatni namoyon boʻlishi va psixokorreksiya, sogʻlom turmush tarzini shakllantirishning pedagogik jihatlari hamda sport faoliyatining pedagogik va psixologik muammolari mavzularida taqdimotlar qilindi. Har bir taqdimotdan soʻng savol-javob va muhokamalar oʻtkazildi.

Yuqori saviyada boʻlib oʻtgan xalqaro anjumanda eng yaxshi taqdimot egalari sertifikat hamda esdalik sovgʻalari bilan taqdirlandi