Chirchiq shahrida Oliy Majlis Qonunchilik palatasi va mahalliy Kengashlar deputatlari saylovi oldidan joylarda targ‘ibot ishlari davom etmoqda

#saylov_2024

✔️ Shunday uchrashuvlardan yana biri joriy yilning 23-oktabr kuni “Erkin va farovon, qudratli Yangi O‘zbekistonni birgalikda quramiz!” shiori ostida Chirchiq shahri 2-son Oilaviy poliklinikasi shifokorlari, ishchi-xizmatchilari, Haydar Maxsumov mahalla aholisi hamda Chirchiq shahar kengashi deputatligiga nomzod Matkarimov Rashid Masharipovich o‘rtasida bo‘lib o‘tdi.

Ushbu targ‘ibot tadbirlarida O‘zbekiston davlat jismoniy tarbiya va sport universiteti professor-o‘qituvchilari, talabalar, mahalla faollari, nuroniylar va yoshlar ishtirok etdilar.

📌 Uchrashuvlar avvalida, Chirchiq shahar kengashi deputatligiga nomzod Matkarimov Rashid Masharipovichning ishonchli vakillari tomonidan nomzodning tarjimayi holi va faoliyati yig‘iliganlarga o'qib eshittirildi. Shundan so‘ng nomzod Matkarimov Rashid Masharipovich so‘zga chiqib, o‘zining saylovoldi dasturi bilan tanishtirib o‘tdi. Uchrashuvda Haydar Maxsumov mahallasi faollari va nomzod Rashid Matkarimov o‘rtasida qizg‘in savol-javoblar, o‘z yechimini kutayotgan bir qator dolzarb muammolarga shahar kengashiga nomzodning ularni bartaraf etish bo‘yicha rejalari ochiqlandi.

Tadbir yakunida fuqarolarni 27-oktyabr kuni bo‘lib o‘tadigan saylovda faol qatnashishga chaqirildi.