Hashar – elga yarashar!

Bugun O‘zbekiston davlat jismoniy tarbiya va sport universitetida “Mahalla obobdligi – yurt farovonligi” shiori ostida yurtimiz bo‘ylab o‘tkazilayotgan umumxalq xayriya hashari bo‘lib o‘tdi.

Birlashgan o‘zar deganlaridek, universitet xodimlari va talabalar kun boshlanishi bilanoq ko‘tarinki kayfiyatda ishga kirishib ketishdi. Hashar davomida hududdagi daraxtlar oqlanib, tagi yumshatildi, ularning keraksiz shoxlari qirqilib shakl berildi hamda yangi ko‘chat navlari o‘tqazildi, chiqindiga to‘lib qolgan ariqlar esa tozalandi.

Shuningdek, sport inshootlari talabalar turar-joylari va o‘quv binolarida ham obodonlashtirish ishlari o‘tkazildi.