Universitet rahbariyati va talabalar o‘rtasida ochiq muloqot o‘tkazildi

#ochiq_muloqot

Kecha, 24-aprel kuni universitetning tegishli yo‘nalishlar bo‘yicha prorektorlar hamda sirtqi ta’lim shaklida tahsil olayotgan talabalar o‘rtasida ochiq muloqot bo‘lib o‘tdi.

Unda bo‘lim rahbarlari, kafedra mudirlari, professor-o‘qituvchilar hamda tyutorlar ham ishtirok etishdi.

Muloqot davomida mas’ullar tomonidan talabalarga, avvalo o‘quv jarayoniga tegishli bo‘lgan kredit-modul tizimi tushunchasi va uning huquqiy asoslari, mustaqil taʼlim shakllari, HEMIS dasturi va baholash mezonlari shuningdek, oliygoh va talabalar turar joyidagi o‘rnatilgan ichki tartib-qoidalar, odob-axloq me’yorlari hamda to‘lov-kontrakt shartnomalarini olish tartibi va ularni o‘z vaqtida to‘lash kabi muhim masalalar yuzasidan ma’lumotlar berildi.

Ochiq va doʻstona ruhda o‘tgan muloqotda talabalar o‘zlarini qiziqtirgan savollariga javob oldilar.