O‘zDJTSU talabasi Akbar Jo‘rayevni qo‘llab-quvvatlaymiz!

Shubhasiz, bugun ko‘pchilikning eʼtibori Toshkentda o‘tkazilayotgan og‘ir atletika bo‘yicha kattalar o‘rtasidagi jahon chempionatining -109 kg vazn toifasidagi bellashuvlarga qaratilgan.

Unda O‘zbekiston davlat jismoniy tarbiya va sport universiteti talabasi Tokio Olimpiadasi chempioni Akbar Jo‘rayev oltin medal uchun kurashadi.

Ushbu vaznda yana bir yurtdoshimiz Olimpiada chempioni va rekordchisi Ruslan Nurudinov hamda armanistonlik Simon Martirasyan va boshqa kuchli polvonlar ham g‘oliblik uchun kurash olib borishadi.

Musobaqa bugun soat 16:00 da boshlanadi. Barcha muxlislarni sportchilarimizni qo‘llab-quvvatlashga chorlab qolamiz.