Vatanni madh etuvchi mustaqillik darsi tashkil qilindi

#universitet_hayotidan
#mustaqillik_darsi

2024-yil 17-sentabr kuni universitetning Ijtimoiy-gumanitar fanlar kafedrasi professor-o‘qituvchilari va tyutorlar ishtirokida 3-sonli talabalar turar joyida turuvchi talaba-yoshlar uchun “Biz bir bo‘lsak – yagona xalqmiz, birlashsak – Vatanmiz!” shiori ostida mustaqillik darsi tashkil qilindi.

Unda kafedra mas’ullari milliy mustaqilligimiz Yangi O‘zbekistonning poydevori bo‘lib xizmat qilishi, aynan mustaqillik va adolatli islohotlar tufayli yoshlarga yaratilayotgan beqiyos imkoniyatlar, o‘z navbatida yoshlarimiz esa bunday imkoniyatlardan oqilona foydalanishlari zarurligi, shuningdek, jismoniy tarbiya va sport sohasida amalga oshirilayotgan bunyodkorlik ishlari hamda istiqboldagi maqsad-rejalar haqida so‘z yuritildi.