#yig‘ilish
2024-yil 25-iyun kuni O‘zbekiston davlat jismoniy tarbiya va sport universiteti Madaniyat saroyida 2024-2025-o‘quv yili uchun qabul jarayonlari va kasbiy (ijodiy) imtihonlarni yuqori saviyada tashkil etish hamda o‘tkazish, abiturientlarning jismoniy tayyorgarligini baholashda xolis va shaffoflikni ta’minlash masalalariga qaratilgan yig‘ilish bo‘lib o‘tdi.
Yig‘ilish avvalida universitet rektori Rashid Matkarimov tomonidan mamlakatimiz rahbari tomonidan sportga qaratilayotgan e’tibor natijasida amalga oshirilayotgan ulkan bunyodkorlik ishlari haqida to‘xtalib, sohaga oid normativ-huquqiy hujjatlar ijrosini ta’minlash, kasbiy (ijodiy) imtihon jarayonlarini ochiq va shaffof o‘tkazish yuzasidan mas’ullarga tegishli ko‘rsatmalar berildi.
Shundan so‘ng, Sport vazirligi boshqarma boshligʻi o‘rinbosari Muqim Arziqulov 2024/2025 o‘quv yili uchun universitetga ajratilgan qabul kvotalari taqsimoti, ijodiy imtihonlarni adolatli va shaffof tashkil qilish bo‘yicha elektron baholash tizimi yo‘lga qo‘yilgani hamda imtihonlarni o‘tkazish jarayonlari jonli tarzda internet (imtihon.edu.uz) platformasi orqali abiturienlarning ota-onalari va kuzatuvchilar uchun monitorlarga uzatib berilishi to‘g‘risida ma’lumot berib o‘tdi.
Shuningdek, yig‘ilish Sport vazirligi Axborot-kommunikatsiya texnologiylarini joriy qilish va raqamlashtirish bo‘limi boshlig‘i Navruz Shoymardonov tomonidan kasbiy (ijodiy) imtihonlarni olishning tashkiliy-texnik jihatlari o‘zida aks etgan taqdimot bilan yakunlandi.