Sportchilar oilasida og‘ir atletika bo‘yicha navbatdagi O‘zbekiston chempionati start oldi

#O‘zbekiston_chempinati

Bugun, 25-iyun kuni O‘zbekiston davlat jismoniy tarbiya va sport universitetida og‘ir atletika bo‘yicha navbatdagi O‘zbekiston chempionati boshlandi.

Respublikamizdagi mavjud OPSTTM va OMSTBDIMI o'quvchilaridan iborat jamoalar o'rtasida bo‘lib o‘tadigan ushbu chempionatda 15 yosh toifasidagi sportchilar 10 ta vazn toifasida o‘zaro g‘oliblik uchun bahs olib boradilar.

Dastlab, musobaqaning ochilish marosimi o‘tkazilib, unda universitet rektori Rashid Matkarimov, Yoshlar masalalari va ma’naviy-ma’rifiy ishlar bo‘yicha birinchi prorektor Sherzod Mirzanov, O‘zbekiston Sport vazirligi boshqarma boshlig‘i Muqim Arziqulov, Toshkent viloyati Sport boshqarmasi boshlig‘i Rustam Bobokulov, OPSTTM va OMSTBDIMI mas’ullari, murabbiylar, hakamlar, hamda sportchi o‘quvchilar ishtirok etdi.

Marosimda so‘z olganlar so‘nggi yillarda mamlakatimizda sport sohasiga alohida e’tibor qaratilayotgani va buning natijasida yurtimizda og‘ir atletika sport turi ham yanada rivoj topayotgani haqida o‘z fikrlar bildirishdi.

Eslatib o‘tamiz, musobaqa joriy yilning 28-iyuniga qadar davom etadi.

Jarayonlarni biz bilan kuzatishda davom eting.