#kitob_taqdimoti
Joriy yilning 18-sentabr kuni universitetining Jangavor yakkakurash sport turlari nazariyasi va uslubiyati kafedrasi mudiri dotsent, O‘zbekistonda xizmat ko‘rsatgan murabbiy Shuhrat Arslanov muallifligida nashr etilgan “Tanlangan sport turi bo‘yicha mutaxassislikka kirish Karate” nomli yangi darslik taqdimoti bo‘lib o‘tdi.
Unda yangi darslik muallifi Shuhrat Arslanov, Jang san’atlari federatsiyasi vitsa prezidenti Po‘lat Usmonov, Chirchiq olimpiya va paralimpiya sport turlariga tayyorlash markazi direktori Ravshan G‘ofurov, kafedra professor-o‘qituvchilari va talabalar ishtirok etishdi.
Tadbir davomida ushbu darslik o‘tgan asrning 70-80 yillarida kirib kelgan va bugungi kunda keng ko‘lamda ommalashayotgan karate sport turining nazariy va amaliy asoslarini o‘zida jamlagani bilan mazkur sport yo‘nalishi talabalari hamda yosh murabbiylar uchun zaruriy qo‘llanma bo‘lib xizmat qilishi haqida so‘z bordi.
Yakunda talaba-yoshlar darslik bilan bog‘liq barcha savollariga atroflicha javob olishdi.