“Chirchiq futbol ligasi” musobaqasiga qura tashlash marosimi bo‘lib o‘tdi

2024 yil 10 fevral kuni O‘zbekiston davlat jismoniy tarbiya va sport universitetida Chirchiq shahri va unga yaqin hududlarda faoliyat yuritayotgan korxona va tashkilotlar xodimlari o‘rtasida ommaviy sportni rivojlantirish maqsadida sportning futbol turi bo‘yicha “Chirchiq futbol ligasi”  musobaqasiga qura tashlash marosimi bo‘lib o‘tdi.

Unda universitet rahbariyati, tashkilotchilar va musobaqada ishtirok etuvchi jamoa vakillari ishtirok etishdi hamda musobaqa davomida har bir jamoalar o‘rtasida bo‘lib o‘tadigan bahslar qura natijasiga ko‘ra aniqlandi. Unga ko‘ra, 1-turdagi uchrashuvlar:

-Agrotech va Atlet (O‘zDJTSU)
-Elite (O‘zDJTSU) va TIPI
-Aviator va Pedagog
-Alfraganus va International
-IIV Akademiyasi va O‘zbekkimyomash jamoalari o‘rtasida kechadi.

Eslatib o‘tamiz, joriy yilning 17-fevral sanasida musobaqaning ochilish marosimi o‘tkazilib, ilk o‘yinlar shu kundan start oladi.