Ukrainalik olim Yunon-rum kurashi bo‘yicha O‘zbekiston terma jamoasi aʼzolarida psixofiziologik tajribalar o‘tkazdi

Bugun O‘zbekiston Respublikasi Milliy gvardiyasi sport kurashlari bo‘yicha ixtisoslashtirilgan olimpiya zaxiralari maktabida Ukraina davlat jismoniy tarbiya va sport universiteti professori, biologiya fanlari doktori Korobeynikov Georgiy Valerevich Yunon-rum kurashi bo‘yicha O‘zbekiston terma jamoasi aʼzolarida psixofiziologik tajribalar o‘tkazdi.

Mazkur tajriba O‘zbekiston davlat jismoniy tarbiya va sport universiteti hamda Jismoniy tarbiya va sport ilmiy tadqiqotlar instituti bilan hamkorlikda tashkil etildi.

Tajriba jarayonida Yunon-rum kurashi bo‘yicha terma jamoa murabbiylari, shifokorlar, O‘zbekiston davlat jismoniy tarbiya va sport universitetining professor-o‘qituvchilari, Jismoniy tarbiya va sport ilmiy tadqiqotlar institutining doktorantlari ishtirok etishdi.

Tajriba o‘tkazish jarayonida doktorantlar Multipsixolog (sportchilarni psixologik holatini baholashni aniqlashda yordam beradigan kompyuter dasturi orqali ishlaydigan Rossiya davlatida ishlab chiqarilgan moslama) va Fazagraf (Ukrainada ishlab chiqarilgan ko‘chma elektro kardiogramma) apparatlarida analiz tekshiruvlar olib borishdi hamda olingan natijalarni tahlil qilish to‘g‘risida kerakli ko‘nikmalarni oldilar.

Tajriba davomida Ukrainalik olim yosh doktorantlarning qiziqtirgan savollariga batafsil javob berdi.

O‘zDJTSU matbuot xizmati