🇲🇾Malayziya poytaxti Kuala Lumpurdagi OFK qarorgohida futzal bo‘yicha ayollar Osiyo kubogi saralash bahslari uchun qur’a tashlash marosimi yakuniga yetdi.
🇺🇿Qur’a natijalariga ko‘ra, O‘zbekiston terma jamoasi "C" guruhida Turkmaniston, Avstraliya, Filippin va Quvaytga qarshi to‘p tepadi. Aytish lozim, 4 ta guruhda dastlabki ikki o‘rinni egallagan 8 ta jamoa Osiyo kubogiga yo‘llanmani qo‘lga kiritadi. Yana bir yo‘llanma guruhlarda 3-o‘rinni egallagan jamoalar orasida eng yaxshi ko‘rsatkichga ega chiqqan terma jamoaga nasib etadi.
📍Eslatib o‘tamiz, Osiyo kubogi final bosqichida 12 ta jamoa ishtirok etadi. Saralash bahslarida omadga erishgan 9 ta jamoa qatoridan mezbonlik maqomidagi Xitoy, amaldagi Osiyo chempioni Eron va Osiyo vitse-chempioni Yaponiya joy egallaydi. Aynan o‘sha jamoalar qit’aning eng kuchli futzal jamoasi nomiga erishish uchun kurash olib boradi.