Universitet professor-oʻqituvchisi xalqaro konferensiyada taqdimot qildi

#xalqaro_konferensiya

2024-yil 10-12 oktabr kunlari Ashxobod shahrida joylashgan Turkmaniston davlat jismoniy tarbiya va sport institutida olimlar, professor-oʻqituvchilar, turli tashkilot va kompaniyalar vakillari hamda yosh tadqiqotchilar ishtirokida “Sogʻliqni saqlash, taʼlim va sportda yangi davrning uygʻonishi” mavzusida Xalqaro koʻrgazma va ilmiy konferensiya boʻlib oʻtdi.

Konferensiya doirasida tashkil etilgan koʻrgazmada farmatsevtika, tibbiyot buyumlari va sport jihozlarining ishlash jarayonlari namoyish etildi.

Ahamiyatlisi, ushbu xalqaro konferensiyada Oʻzbekiston davlat jismoniy tarbiya va sport universitetining  Sport psixologiyasi va pedagogika kafedrasi mudiri, pedagogika fanlari doktori, dotsent Javlon Ishtayev ham oʻzining sport psixologiyasi va pedagogikasidagi muammolarga qaratilgan dolzarb mavzulardagi taqdimoti bilan qatnashdi hamda mahorat darslarini olib bordi.