Talaba qizlar uchun amaliyotchi psixologlar ishtirokida psixologik trening o‘tkazildi

Hozirgi davr talabi maʼnaviy jihatdan yetuk, har tomonlama bilimdon, mustaqil fikrlovchi shaxsni shakllantirish Bo‘lib, bu jarayon shaxslararo munosabat va muloqotga kirishish vaqtida amalga oshiriladi. Shunday ekan, kishilarni muloqot jarayonida teran fikrlilik, hozirjavoblik, taʼsirchanlik, sezgirlik, bilimdonlikni shakllantirish va rivojlantirish muhim ahamiyat kasb etadi.

Darhaqiqat, rivojlanish, yuksalish shiddat bilan ro‘y berayotgan bir paytda, yosh avlodni maʼnan barkamol insonlar etib tarbiyalash, ularni zararli axborotlar va axborot xuruji taʼsirlaridan himoyalash eng dolzarb mavzulardan biriga aylandi.

O‘zbekiston davlat jismoniy tarbiya universitetining Kurash fakulteti tashabbusi bilan 1 – sonli Talabalar uyida talaba qizlarni ijtimoiy hayotga tayyorlash, ruhiy tetik, maʼnaviy barkamol, kasbiy xususiyatlarini o‘rganish maqsadida tajribali amaliyotchi psixologlari bilan psixologik trening o‘tkazildi.

Tadbirda Chirchiq shahar Kengashi deputati, Xotin-qizlar qo‘mitasi raisi, psixolog va pedagog Nozima Nuriddinova, O‘zbekiston Respublikasi psixologlar assotsiatsiyasi aʼzosi, amaliyotchi psixolog Maxmud Ergashev, “Yuksalish Ziyo” o‘quv markazi Chirchiq filiali psixologi, Chirchiq OTQMBYU Pedagogika va psixologiya sikli katta o‘qituvchisi Bekzod Tilovov, Tadbirkor, biznes trener, koucher Ulug‘bek Xasanov, fakultet rahbariyati hamda talaba qizlar ishtirok etdi.

https://t.me/uzdjtsu_rasmiy