O‘zbekistonda IT bo‘yicha “President Tech Award” tanlovi e’lon qilindi.

Ushbu tanlov yoshlarning axborot-kommunikatsiya texnologiyalari sohasidagi qiziqishlarini yanada oshirish, yosh dasturchilarning tajribasini va jamoada ishlash ko‘nikmalarini rivojlantirish hamda eksportga yo‘naltirilgan va axborot-bozoriga mo‘ljallangan dasturiy mahsulotlar yaratilishini rag‘batlantirish maqsadida tashkil etilmoqda.

Tanlovlar 5 ta asosiy yo‘nalish bo‘yicha o‘tkaziladi:

• sun’iy intellekt texnologiyalari;
• ijtimoiy yo‘nalishda raqamli texnologiyalar;
• axborot va kiberxavfsizlik texnologiyalari;
• tadbirkorlik va moliyaviy texnologiyalar;
• kompyuter va mobil o‘yin dasturlari.

Maxsus yo‘nalish: “Xakaton gran-pri”

Mukofot jamg‘armasi:

Tanlovning umumiy mukofot jamg‘armasi 1 million AQSh dollarini tashkil etadi.

5 ta asosiy yo‘nalish bo‘yicha:

1-o‘rin uchun — 100 ming dollar;

2-o‘rin uchun — 50 ming dollar;

3-o‘rin uchun — 30 ming dollar;

Maxsus yo‘nalish bo‘yicha (bitta) — 100 ming dollar.

Tanlov Jarayoni:

Tanlovda ishtirok etish uchun zarur hujjatlar va g‘oyalarni taqdim etish muddati, tanlovning boshqa tafsilotlari va ro‘yxatdan o‘tish shartlari bilan https://awards.gov.uz sayti orqali tanishishingiz mumkin.

Bu tanlov yosh dasturchilarni qo‘llab-quvvatlash va ularning mahsulotlarini jahon bozoriga olib chiqishga ko‘maklashishga qaratilgan muhim tashabbusdir. Har bir qatnashuvchi o‘z g‘oyalari va yechimlarini keng ko‘lamda namoyish etish va ularni amaliyotga tatbiq etish imkoniyatiga ega bo‘ladilar.