TALABALAR UCHUN YONG‘IN XAVFSIZLIGI BO‘YICHA PROFILAKTIK TADBIR O‘TKAZILDI

Joriy yilning 1-noyabr kuni O‘zbekiston davlat jismoniy tarbiya va sport universitetida talabalarga isitish moslamalari va pechlardan foydalanishda xavfsizlik qoidalariga rioya etish,  yong‘in xavfsizligi talablari va shoshilinch evakuatsiya qilish qoidalari bo‘yicha keng qamrovli tushuntirish ishlari tashkil etildi.

Tadbirda Chirchiq shahar FVB yong‘in xavfsizligi instruktori N.Abdullayev, Chirchiq shahar gaz taʼminot filiali mutaxassisi A.Kabirov, universitet bosh muhandisi B.Matchonov, muhandis M.Negmurodov hamda fakultet dekanlari ishtirok etdi.

 Talabalarga tushuntirish ishlari o‘quv binolari, sport inshootlari, talabalar turar joyida amaliy tarzida tashkil etildi.

Maxsus gaz-havo aralashmasi chaqnashini oldini olish va ogohlantirish bo‘yicha eslatmalar va bukletlar tayyorlanib, talabalar hamda xodimlarga tarqatildi.

Bunda tashqari, talaba yoshlar, professor-o‘qituvchilar hamda xodimlarga is gazidan zaharlangan hollarda inson salomatligiga zarur bo‘ladigan shoshilinch birinchi tez tibbiy yordam ko‘rsatish, tibbiyot xodimlari yetib kelguniga qadar amalga oshiriladigan chora-tadbirlar bo‘yicha o‘quv uslubiy ko‘rsatmalar va tarqatma materiallar taqdim etildi.

Kelgusida bu kabi tadbirlarni doimiy ravishda tashkil etib borish to‘g‘risida kelishib olindi.