📅 Bugun 29-iyun kuni Universitetning navbatdagi Kengash yig‘ilishi bo‘lib o‘tdi.

#kengash_yig‘ilishi 

🏢Rektor Rashid Matkarimov, prorektorlar, kafedra mudirlari va Kengash a’zolari ishtirokida o‘tkazilgan mazkur yig‘ilish avvalida davlatimiz rahbari tomonidan oliy ta’lim va sport sohasini yanada rivojlantirishga qaratilgan ustuvor vazifalar muhokama qilinib, joriy yilning 5-iyun kuni O‘zbekiston Respublikasi Prezidenti Shavkat Mirziyoyev Musulmonlar idorasi raisi, muftiy shayx Nuriddin Xoliqnazar bilan telefon orqali muloqot qilib, muqaddas haj amallarini ado etayotgan yurtdoshlarimiz holini so‘ragani, shuningdek, 7-iyun kuni Prezidentimizning poytaxtning Yakkasaroy va Yashnobod tumanlariga tashrif buyurib, jamoat xavfsizligi va sport sohalaridagi yangi ob’yektlar hamda mahallalarda olib borilayotgan bunyodkorlik ishlari bilan tanishuvi,  Davlat rahbari raisligida 20 iyun kuni muhandislik sohalarida kadrlar tayyorlash va oliy ta’lim muassasalari faoliyatini yanada takomillashtirish masalalari yuzasidan hamda  28 iyun kuni yoshlar siyosati sohasidagi ishlar sarhisobi, yangi vazifa va takliflar muhokamasiga bag‘ishlangan videoselektor yig‘ilishi tafsilotlari jamoaga tushuntirildi va mavzuga doir videorolik namoyish etildi.

✅Shundan so‘ng, kun tartibidagi muhim masalalarga o‘tildi. Unda sohaga oid topshiriqlar ijrosi, ilmiy-innovatsion ishlar tahlili, korrupsiyaga qarshi kurashish  hamda 2024-2025-o‘quv yili uchun qabul jarayonlari va kasbiy (ijodiy) imtihonlarni yuqori saviyada tashkil etish va o‘tkazish, abiturientlarning jismoniy tayyorgarligini baholashda xolis va shaffoflikni ta’minlash masalalari yuzasidan mas'ullarga tegishli ko‘rsatmalar berildi.

💼Shuningdek, Kengash yig‘ilishi yakunida universitetning yetakchi o‘qituvchilarini ilmiy unvonlarga tavsiya qilish va boshqa masalalar yuzasidan  mas’ullarga tegishli topshiriqlar berildi.