🏆Adaptiv jismoniy tarbiya va sport

#xalqaro_seminar

📅Bugun, 5-iyun kuni O‘zbekiston davlat jismoniy tarbiya va sport universiteti Adaptiv jismoniy tarbiya va parasport kafedrasi tomonidan  “ADAPTIV JISMONIY TARBIYA VA SPORTINING DOLZARB MUAMMOLARI” mavzusidagi II Xalqaro ilmiy-amaliy anjumani bo‘lib o‘tdi.

📝Anjumanda adaptiv sport sohasidagi yetuk mutaxassis va olimlar o‘zlarining sohada olib borayotgan ilmiy-amaliy tadqiqot ishlari va yurtimizda jismoniy imkoniyati cheklangan va nogironligi bo‘lgan shaxslarga qaratilayotgan e’tibor, ularning xalqaro sport musobaqalarida munosib ishtirok etishini ta’minlash, shuningdek,  jismoniy imkoniyati cheklangan va nogironligi bo‘lgan shaxslarga sport bilan shug‘ullanish uchun shart-sharoitlarni kengaytirish hamda ular o‘rtasida sport bilan shug‘ullanuvchilar qamrovini yanada oshirish, barcha turdagi sport ta’lim muassasalarida jismoniy imkoniyati cheklangan va nogironligi bo‘lgan iqtidorga ega shaxslarni har tomonlama rivojlantirish hamda malakali mutaxassislarni tayyorlash borasida chiqishlar qildilar.

✔️Tashkil etishgan anjuman qizg‘in baxs-munozaralarga boy tarzda o‘tib talabalar, yosh ilmiy tadqiqotchi olimlar o‘zlarini qiziqtirgan savollarga soha mutahassislari tomonidan atroflicha javoblar oldilar.