Universitet yangi va manfaatli xalqaro aloqalarni yoʻlga qoʻymoqda!

#xalqaro_aloqalar
#onlayn_suhbat

Maʼlumki, Oʻzbekiston Respublikasi Prezidentining 2022-yil 3-noyabrdagi "Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to'g'risida"gi qarorida jismoniy tarbiya va sport sohasida nufuzli oliy taʼlim muassasalari bilan xalqaro aloqalarni  yoʻlga qoʻyish va qoʻshma loyihalarni tashkil qilish singari ustuvor vazifalar belgilab qoʻyilgan.

Bugun, 27-mart kuni mazkur vazifalar ijrosini taʼminlash maqsadida Oʻzbekiston davlat jismoniy tarbiya va sport universiteti hamda Indoneziyaning Yogyakarta Davlat universiteti vakillari oʻrtasida hamkorlik qilish boʻyicha onlayn suhbat oʻtkazildi.

Suhbat davomida kelajakda ikki tomonlama talabalar va professor-oʻqituvchilar almashinuvi bo‘yicha qoʻshma loyihalar tashkil qilish, shuningdek, sohaga oid yangilik va innovatsion texnologiyalarni joriy qilish masalalari muhokama qilindi.